بعد أن أصبح التعليم عن بعد من المسلمات إليكم هذه المعلومات العملية لكل غاية مفيدة:
○ إلا بغيتي تصور شي درس او شي تمارين من ورقة او كتاب الأفضل انك تستعمل تطبيق الهاتف .. CamScanner
لي تيصكاني ليك الورقة بجودة عالية بحالا الا درتي ليها صكان بفوطوكوبي.. عوض انك تصورها بكاميرة الهاتف وشاد معاها نص في المائدة ولا السداري
.
● عندك ملف PDF فيه صفحات بزاف وبغيتي منهم غير بعضهم ..
غادي تخدم بهاد الموقع
.
● عندك صفحات مجموعين على شكل PDF وبغيتيهم مفرقين على شكل صور .. غادي تخدم بهاد الموقع
.
● عندك ملف word وبغيتي تحولو ل pdf خدم بهاد الرابط
مع العلم ان برنامج الوورد2016 فيه هاد الخاصية.
.
● عندك فيديو الحجم ديالو كبير بزاف وبغيتي تنقص منو دون أن تتأثر جودته .. هاد البرنامج المجاني تينقص ليك حجم الفيديو وتتبقى الجودة مزيانة
HandBrake
.
● بغيتي تليشارجي فيديو من اليوتيوب .. بكل سهولة غادي تدخل لـ غوغل وتكتب youtube download
وغادي يطلعو ليك بزاف المواقع لممكن تليشارجي بيهم الفييوهات ومن بينهم
.
● برنامج المونتاج خاص تعلم ليه وغادي يفيدك في الخدمة بزاف لي هو برنامج كامتاسيا CAMTASIA ساهل انك تعلم ليه ونعطيك 3 فيديوهات الا تبعتي معاهم غادي تعلم ليه وغادي تولي تخدم بزاف التقنيات لي غادي يساعدوك في التدريس .
◄ شرح مبسط لكيفية عمل مونتاج ببرنامج كامتازيا CAMTASIA
◄ كيفاش تقدم شرح عن طريق تصوير شاشة الحاسوب ببرنامج كامتازيا
◄ الكتابة على الفيديو ببرنامج كامتازيا camtasia
.ً
● نصائح على الهامش:
- إلا بغيتي تصور شي ورقة حاول تكون الإضاءة مزيانة وأفضل إضاءة هي الإضاءة الطبيعية تقرب حدى شي شرجم بنهار وحط الورقة على شي حاجة بيضاء .. وتجنب استعمال الفلاش.
- بغيتي ترسل ملفات في الواتساب الأفضل يكونوا بصيغة pdf باش يبقاو في الجودة ديالهم .. حيث الا كانو بصيغة الصور غادي يبهاتو وتمشي ليهم الجودة.
والملف رسل الأصلي ماتديرش ليه سكرين بالهاتف ومصيفط معاه الاطار لي فيه الريزو والشارج والساعة .
- حاول تتعلم برنامج الفوتوشوب وخصص وقت ليه مرة مرة دخل اكتشفو وشوف فيديوهات ديال شروحات بساط وطبق بشويا بشويا.
0 التعليقات:
إرسال تعليق